गावाला जाताना
गावाला जाताना, होई फार घाई ।
पाणी पिण्यासही, सवड नाही - सवड नाही ... १
किती केली जरी, आवरासावरी ।
कामाची ती हारी, संपेचिना - संपेचिना ... २
हे काम करू का, ते काम करू |
मनाचा तो वारू, वेगे धावे - वेगे धावे ... ३
चार दिवसांच्या, प्रवासी जाताना |
मनाला यातना , होती किती - होती किती ... ४
घरदार सारे , सगे नि सोयरे ।
सोडताना सारे, सवड नाही - सवडनाही ... ५
सख्या मना बा रे, जोडी व्यवहारे ।
राही प्रेमभरे, जगामाजी - जगामाजी ... ६
Hits: 109