चाफेकर नि रानडे यांजवरील फटका - ७
Parent Category: मराठी पुस्तके
Category: स्वातंत्र्यवीर सावरकर समग्र कविता
Written by सौ. शुभांगी रानडे
चाफेकर नि रानडे यांजवरील फटका - ७
हांजी हांजी करी सर्वदा राजी म्लेंच्छांच्या कृतिला ।
पोटासाठी खटपटतो परि सुष्ट गमे परभूपतिला ॥ १
पारतंत्र्यपंकांत देश जो बुडवी त्याप्रति नृप म्हणती ।
कडक दंड जो दे त्या छलका राजद्रोही त्या म्हणती ॥ २
अुदात्त ज्याचे विचार, धाडस विशाल, देशप्रीति मनी ।
खुनी बनत तो न्याय-प्रहसनी, हाय! हाय! मग होत जनीं ॥ ३
तिळहि नसे की फाशी झाली यामधि दु:खाला वसती ।
देशपिता त्या खुनी म्हणतसा ह्यासचि सज्ञन बहु हसती ॥४
न्यायाधीशचि जोशी अुत्तम अुदयमुहूर्ता योग्य गणी ।
सत्य, देशहित, वऱ्हाड जमले कीर्तिनीति ह्या वऱ्हाडणी ॥ ५
टिळक-गजानन नमस्कारिला फास-बोहलें मग पुरलें ।
स्मरले गीतामंत्र 'दामुने' मुक्ति नवरिला हो वरिलें ॥ ६
लग्न-सोहळा विचित्र दावी चित्र भीतिचें किती बडें ।
सूड अुगविण्या वासुदेवहृदयांत भयंकर कोप चढे ॥ ७