दीपावली
काय वर्णू बाई दिवाळीचा थाट
आनंदाची करी सदा बरसात ---- १
कृष्णदेव दावी नरकासुरा वाट
स्नानाची गर्दी होई होता पहाट ---- २
पणतीरूपी चांदण्याही येता दारात
प्रकाशाने ऊजळे सारा आसमंत ---- ३
लक्ष्मीपूजनाचा मोठा थाटमाट
सारे जन गाती धनश्रीचे गीत ---- ४
सुख भरुनी राहे घरादारात
आनंदाने झुलती सारे मजेत ---- ५
भाऊबीज येई मोठ्या झोकात
डोळियांच्या ज्योती लावुनी दारात ---- ६
सणांच्या राजाची चालता वरात
आनंदाने आसवे येती नयनात ---- ७
Hits: 150