कलियुग आले
कलियुग आले हो कलियुग आले
कलियुग आले हो कलियुग आले . . . ध्रु.
आपल्याच धुंदीत जो तो चाले
हसणे बोलणे सारे खोटे झाले
पैशाचे पारडे भारी जड झाले
कलियुग आले हो कलियुग आले . . . १
देवाजीचा न्याय कसा उरफाटा पळे
शहाण्यांना म्हणती सारे खुळे
मांजराच्या पाठी उंदराची पिले
कलियुग आले हो कलियुग आले . . . २
सुखासाठी जग सारे फिके फिके वाटे
घरापेक्षा दारच वाटे खूप मोठे
रक्ताचे नातेही विसरून गेले
कलियुग आले हो कलियुग आले . . . ३
Hits: 167