सोनुला
उन्हं आली गं कोवळी
सोनभरल्या सकाळी
माझ्या सोनुल्याच्या गाली
उमटली गोड खळी ---- १
उन्हं आली गं कोवळी
पक्षी गाती गोड गाणी
माझ्या सोनुल्याच्या हाती
सायसाखरेची वाटी ---- २
उन्हं आली गं कोवळी
सोनपाऊले घरात
माझ्या सोनुल्याच्या पायी
सुख आले ठायी ठायी ---- ३
उन्हं आली गं या वेळा
मीठ मोहरी ओवाळा
माझ्या सोनुल्याच्या भाळा
लावा कुंकवाचा टिळा ---- ४
उन्हं आली गं खालती
उधळीत हिरेमोती
माझ्या सोनुल्याच्या बाई
वाढदिवसाची घाई ---- ५
Hits: 170