मंगळागौर
मंगळागौर
मंगळागौर या सणाचे समग्र वर्णन
सण सखे आज घरी मंगळागौरी
पूजा करू जमवूनि नगरीच्या नारी --- ।।ध्रु.।।
सणांचा हा राजा शोभे श्रावणमास
हिरवा शालु शोभतो सृष्टिमातेस
पर्णफुले वेलबुट्टी जणू जरतारी
पूजा करू जमवुनी नगरीच्या नारी ---१
चंदनाचा चौरंग नक्षी रुपेरी
केळीकर्दळीचे मखर शोभते वरी
आनंदाने विराजते गौरीची स्वारी
पूजा करू जमवुनी नगरीच्या नारी ---२
जाई-जुई कुंद-बकुळ फुले साजिरी
सुवासिक सुमने ही देत हजेरी
बेल-दूर्वा तुळस-शमी पत्री साजिरी
पूजा करू जमवुनी नगरीच्या नारी ---३
षोडशोपचारभरी पूजा करूनी
अंबेची आरती करू मनापासुनी
धूपदीप पुरणपोळी नैवेद्यावरी
पूजा करू जमवुनी नगरीच्या नारी ---४
खेळुनिया खेळ सरवू रात्र जागरी
उखाण्यांची बरसात होई अंबरी
आनंदाचे ऊन नव्या चेहऱ्यांवरी
पूजा करू जमवुनी नगरीच्या नारी ---५
अंबा नित वास करी भक्ताघरी
शाल सुखशांतीची घाल भूवरी
आशीषा या मागू चला मनमंदिरी
पूजा करू जमवुनी नगरीच्या नारी ---६
Hits: 148