एक क्षण
एक क्षण असा येतो -
स्वप्नाळलेल्या भावनांना
शब्दरूप देऊन जातो ---- १
एक क्षण असा येतो -
मरगळलेल्या मनावर
श्रावणाचा शिडकावा करून जातो ---- २
एक क्षण असा येतो -
दुखावलेल्या दिलाला
सुखाचा दिलासा देऊन जातो ---- ३
एक क्षण असा येतो -
ओथंबलेल्या आसवांचे
ओझे हलके करून जातो ---- ४
एक क्षण असा येतो -
करपलेल्या कातळालाही
हलकेच पाझर फोडून जातो ---- ५
एक क्षण असा येतो -
पुन्हा कधी न येण्यासाठी
जीवनमुक्त करून जातो ---- ६
Hits: 190